ധര്‍മശാല: കണ്ണൂര്‍ ഗവര്‍മെന്റ് എന്‍ജിനിയറിങ് കോളജിലെ ബിരുദ കോഴ്‌സുകള്‍ക്ക് വീണ്ടും ദേശീയ അംഗീകാരം. കോളജിലെ ബി.ടെക്ക് കോഴ്‌സുകളായ സിവില്‍ എന്‍ജിനിയറിങ്, മെക്കാനിക്കല്‍ എന്‍ജിനിയറിങ്, ഇലക്ട്രിക്കല്‍ ആന്റ് ഇലക്ട്രോണിക്‌സ് എന്‍ജിനിയറിങ്, ഇലക്ട്രോണിക്‌സ് ആന്‍ഡ് കമ്യൂണിക്കേഷന്‍ എന്‍ജിനിയറിങ് കോഴ്‌സുകള്‍ക്കാണ് മൂന്ന് വര്‍ഷത്തേക്ക് നാഷണല്‍ അക്രഡിറ്റേഷന്‍ ബോര്‍ഡിന്റെ അംഗീകാരം ലഭിച്ചത്. കോളജിലെ വിവിധ പ്രവര്‍ത്തന നിലവാരം പരിശോധിച്ചാണ് രാജ്യത്തെ മികച്ച സ്ഥാപനങ്ങളിലെ 11 അധ്യാപകരടങ്ങുന്ന സംഘം അക്രഡിറ്റേഷനു ശുപാര്‍ശ ചെയ്തത്. ഏപ്രില്‍ ഏഴു മുതല്‍ ഒമ്പത് വരെയായിരുന്നു പരിശോധന.