ഇസ്‌ലാമാബാദ്: കര്‍ത്താപൂര്‍ സാഹിബ് ഗുരുദ്വാര സന്ദര്‍ശിക്കാന്‍ ഇനി പണമടക്കണം. ഒരാള്‍ക്ക് 20 ഡോളര്‍ വീതമാണ് അടയ്‌ക്കേണ്ടതെന്ന് പാക് വിദേശകാര്യ വക്താവ് മുഹമ്മദ് ഫൈസര്‍ പറഞ്ഞു. ഇതൊരു പ്രവേശന ഫീസല്ലെന്നും സര്‍വീര്‍ ചാര്‍ജ് മാത്രമാണെന്നും അദ്ദേഹം പറഞ്ഞു. കര്‍ത്താപൂര്‍ സന്ദര്‍ശനത്തിന് ചാര്‍ജ് ഈടാക്കുന്നതുമായി ബന്ധപ്പെട്ട് ഇന്ത്യയും പാകിസ്താനും നടത്തിയ ചര്‍ച്ചകളില്‍ തീരുമാനമാവാത്ത സാഹചര്യത്തിലാണ് പാക് തീരുമാനം. തീര്‍ഥാടകര്‍ക്ക് ചാര്‍ജ് ഈടാക്കുന്നതിനോട് ഇന്ത്യക്ക് വിയോജിപ്പാണുള്ളതെന്ന് ആഭ്യന്തര സുരക്ഷാ വിഭാഗം സെക്രട്ടറി ബി.സി.എല്‍ ദാസ് പറഞ്ഞു.