കായംകുളം: സ്റ്റാന്റില്‍ നിര്‍ത്തിയിട്ടിരുന്ന കെ.എസ്.ആര്‍.ടി.സി. ബസിന് തീപിടിച്ചു. ആളപായമില്ല. ഇന്നലെ രാത്രി 8.45 ഓടെയായിരുന്നു സംഭവം. ആയിരംതെങ്ങിലേക്ക് സര്‍വീസ് നടത്തിയശേഷം സ്റ്റാന്റില്‍ നിര്‍ത്തി ഡ്രൈവര്‍ ഇറങ്ങി അഞ്ചു മിനിറ്റിനുശേഷമാണ് ബസ് കത്തിയത്. വണ്ടിയുടെ മുന്നില്‍നിന്ന് തീ ഉയരുന്നത് കണ്ട സെക്യൂരിറ്റി ജീവനക്കാര്‍ മറ്റു ജീവനക്കാരുമായി ചേര്‍ന്ന് തീയണയ്ക്കാന്‍ ശ്രമിച്ചെങ്കിലും കഴിഞ്ഞില്ല. തുടര്‍ന്ന്  കായംകുളത്തുനിന്ന് രണ്ട് യുണിറ്റ് ഫയര്‍ഫോഴ്‌സെത്തിയാണ് തീയണച്ചത്.