ഉഡുപ്പി: സൗത്ത് സോണ്‍ ജൂനിയര്‍ അത്‌ലറ്റിക്‌സിന്റെ ആദ്യ ദിനം പിറന്നത് എട്ട് മീറ്റ് റെക്കോര്‍ഡുകള്‍. അണ്ടര്‍ 16 പെണ്‍കുട്ടികളുടെ 400 മീറ്ററില്‍ കേരളത്തിന്റെ പ്രതിഭാ വര്‍ഗീസ് നേടിയ മീറ്റ് റെക്കോര്‍ഡും ഇതില്‍ പെടുന്നു. ആദ്യ ദിനം അവസാനിക്കുമ്പോള്‍ 301 പോയിന്റുമായി തമിഴ്
നാടാണ് ഒന്നാമത്. കേരളവും (212) കര്‍ണാടകയുമാണ് (151) രണ്ടും മൂന്നും സ്ഥാനത്ത്.
കേരളത്തിനായി അനന്ദു വിജയന്‍ (അണ്ടര്‍ 20, 400 മീറ്റര്‍ ഹര്‍ഡില്‍സ്), വി.കെ അഭിജിത്ത് (അണ്ടര്‍ 16, 10,000 മീറ്റര്‍ നടത്തം), ആര്‍.കെ വിശ്വനാഥ് (അണ്ടര്‍ 16, 100 മീറ്റര്‍ ഹര്‍ഡില്‍സ്), ദിവ്യ (അണ്ടര്‍ 20,10,000 മീറ്റര്‍ നടത്തം), എല്‍ഗ തോമസ് (അണ്ടര്‍ 18, 400 മീറ്റര്‍) എന്നിവരും സ്വര്‍ണം നേടി.