കരുനാഗപ്പള്ളി: മൂന്നു മാസങ്ങള്‍ക്കു മുമ്പ് പൊലിസ് അറസ്റ്റ് ചെയ്ത കെ.എസ്.യു നേതാക്കളെ സ്റ്റേഷനില്‍ നിന്നും ഇറക്കി കൊണ്ടുപോകാന്‍ ശ്രമിച്ചെന്നതിന്റെ പേരില്‍ കരുനാഗപ്പള്ളി പോലിസ് ചാര്‍ജ്ജ് ചെയ്ത കേസില്‍  യൂത്ത് കോണ്‍ഗ്രസ് സംസ്ഥാന വൈസ് പ്രസിഡന്റ് സി.ആര്‍ മഹേഷ്, യൂത്ത് കോണ്‍ഗ്രസ് ആലപ്പുഴ പാര്‍ലമെന്റ് കമ്മിറ്റി ജനറല്‍ സെക്രട്ടറി കെ.എസ്.പുരം സുധീര്‍, നിയോജകമണ്ഡലം സെക്രട്ടറി സി.ഒ കണ്ണന്‍, അഫ്‌സല്‍ കുരുടന്റയ്യത്ത്, ജിഥിന്‍ എന്നിവരെ കഴിഞ്ഞദിവസം കരുനാഗപ്പള്ളി പൊലിസ് അറസ്റ്റ് ചെയ്തു. കോടതിയില്‍ ഹാജരാക്കിയ പ്രതികള്‍ക്ക് കരുനാഗപ്പള്ളി ഫസ്റ്റ് ക്ലാസ്സ് മജിസ്‌ട്രേറ്റ് ജാമ്യം അനുവദിച്ചു.