നെടുമ്പാശ്ശേരി: പത്തംഗ ചീട്ടുകളി സംഘം ചെങ്ങമനാട് പൊലിസിന്റെ പിടിയിലായി. ദേശം കുന്നുംപുറത്തെ പി.വി.എസ് ഫ്‌ളാറ്റില്‍ നിന്നാണ് വന്‍ ചീട്ടുകളി സംഘം പൊലിസിന്റ വലയിലായത്. പ്രതികളില്‍ നിന്നും 1.67 ലക്ഷം രൂപയും പിടിച്ചെടുത്തു. റൂറല്‍ ജില്ലാ പൊലിസ് മേധാവി എ.വി. ജോര്‍ജിന് ലഭിച്ച രഹസ്യ വിവരത്തെ തുടര്‍ന്ന് സ്‌പെഷ്യല്‍ സ്‌ക്വാഡും ചെങ്ങമനാട് പൊലിസും ചേര്‍ന്നാണ് റെയ്ഡ് നടത്തിയത്.
അങ്കമാലി പുളിയനം സ്വദേശികളായ ജോജോ, ജസ്റ്റിന്‍ ജോസ്, നെടുമ്പാശ്ശേരി സ്വദേശികയായ ബേബി, പുത്തന്‍വേലിക്കര സ്വദേശികളായ രവി, സനില്‍കുമാര്‍, കരിയാട് സ്വദേശിയായ ജോര്‍ജ് മാത്യു, ചെങ്ങമനാട് സ്വദേശിയായ സുരേഷ് കുമാര്‍, കുറുമശ്ശേരി സ്വദേശിയായ അഗസ്റ്റിന്‍, എരയാംകുടി സ്വദേശിയായ ബാലന്‍, മേലഡൂര്‍ സ്വദേശിയായ സുരു എന്നിവരാണ് അറസ്റ്റിലായത്. ചെങ്ങമനാട് എസ്.ഐ കെ.ജി ഗോപകുമാര്‍, സ്‌പെഷ്യല്‍ സ്‌ക്വാഡ് അംഗങ്ങളായ എ.എസ്.ഐ ജോയ്, പൊലിസുകാരായ രാജേഷ്, പ്രശാന്ത്, നിഖിലേഷ് എന്നിവരും റെയ്ഡില്‍ പങ്കെടുത്തു.