ചെര്‍പ്പുളശ്ശേരി: നിയുക്ത ശബരിമല മേല്‍ശാന്തി വി.എന്‍ വാസുദേവന്‍ നമ്പൂതിരി മലബാറിലെ ശബരിമലയെന്ന് അറിയപ്പെടുന്ന ചെര്‍പ്പുളശ്ശേരി അയ്യപ്പന്‍കാവിലെത്തി. മുന്‍ ശബരിമല മേല്‍ശാന്തി തെക്കും പറമ്പത്ത് ഉണ്ണികൃഷ്ണന്‍ നമ്പൂതിരിയുമായി ദീര്‍ഘനേരം സംസാരിച്ചു. തുലാം 30ന് സന്നിധാനത്തെത്തുന്ന മേല്‍ശാന്തിയെ തന്ത്രി കലശാഭിഷേകം ചെയ്ത് ശ്രീകോവിലില്‍ കയറ്റും. തുടര്‍ന്ന് അയ്യപ്പന്റെ മൂലമന്ത്രം ചൊല്ലി കൊടുക്കും.
വൃശ്ചികം ഒന്നിന് പൂജകള്‍ ചെയ്യന്നത് പുതിയ മേല്‍ശാന്തിയായിരിക്കും. ബംഗളൂരു ജലഹള്ളി അയ്യപ്പക്ഷേത്രത്തിലെ പൂജാരിയായ നമ്പൂതിരി പാലക്കാട് സ്വദേശിയാണ്. ദീപാരാധന തൊഴുതാണ് വാസുദേവന്‍ നമ്പൂതിരി മടങ്ങിയത്.