തൊടുപുഴ: തമിഴ്‌നാട്ടിലെ ബേഡിമേട്ടില്‍ ജീപ്പ് മറിഞ്ഞ് മൂന്നു പേര്‍ മരിച്ചു. 17പേര്‍ക്ക് പരുക്കേറ്റു.

ഇടുക്കിയിലെ പൂപ്പാറയില്‍ നിന്ന് തമിഴ്‌നാട്ടിലേക്ക് തോട്ടം തൊഴിലാളികളുമായി പോയ ജീപ്പാണ് ബോഡിമേട്ടില്‍ നിയന്ത്രണം വിട്ടുമറിഞ്ഞത്.

22പേരായിരുന്നു ജീപ്പിലുണ്ടായിരുന്നത്.

മരിച്ചവരെക്കുറിച്ചുള്ള കൂടുതല്‍ വിവരങ്ങള്‍ ലഭ്യമായിട്ടില്ല. പരുക്കേറ്റവരെ തേനി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ചെങ്കുത്തായ ഇറക്കങ്ങളും, നിരവധി വളവുകളും ഉള്ള ഈ റോഡില്‍ അപകടങ്ങള്‍ പതിവാണെന്ന് നാട്ടുകാര്‍ പറയുന്നു. തൊഴിലാളികളെ കുത്തി നിറച്ച് അമിത വേഗത്തില്‍ ജീപ്പ് ഓടിക്കുന്നത് മൂലമുണ്ടാകുന്ന അപകടങ്ങളും നിരവധിയായി ഇവിടെ ഉണ്ടാവാറുണ്ട്.