പരപ്പനങ്ങാടി: നൂറുക്കണക്കിന് വിദ്യാര്‍ഥികളും കാല്‍നടയാത്രക്കാരും കടന്നുപോകുന്ന ചിറമംഗലം നഗരഹൃദയത്തിലെ നടപ്പാതയിലെ സ്ലാബുകള്‍ തകര്‍ന്നനിലയില്‍. ചിറമംഗലം സഹകരണ ബാങ്കിനടുത്ത് പരപ്പനങ്ങാടി താനൂര്‍ റോഡിലെ ഓടയക്ക് മുകളിലില്‍ സ്ഥാപിച്ചിരിക്കുന്ന സ്ലാബുകളാണ് കാലപ്പഴക്കം മൂലം തകര്‍ന്നിരിക്കുന്നത്. സ്‌കൂള്‍ തുറന്നതോടെ തൊട്ടടുത്ത് സ്ഥിതിചെയ്യുന്ന രണ്ട് വിദ്യാലയങ്ങളിലേക്ക് പോകുന്ന കുട്ടികളും മറ്റു കാല്‍നട യാത്രാക്കാരും ഇവിടെ വീണുപോകുമോയെന്ന ആശങ്കയിലാണ്.