തിരുവനന്തപുരം: പാലളവ്, സംഭരണം, കാലിത്തീറ്റ വില്‍പന തുടങ്ങിയ ക്ഷീരമേഖലയുടെ എല്ലാ പ്രവര്‍ത്തനങ്ങളും ഒരു പോര്‍ട്ടലിന് കീഴിലാക്കുന്നു. നിലവില്‍ കര്‍ഷക ആനുകൂല്യങ്ങള്‍ക്കുള്‍പ്പെടെ ഉപയോഗിക്കുന്ന ക്ഷീരശ്രീ പോര്‍ട്ടലിന്റെ പ്രവര്‍ത്തനം വിപുലീകരിക്കുകയാണ് ചെയ്യുന്നത്. ഓരോ ക്ഷീരസംഘവും വ്യത്യസ്ത സോഫ്റ്റ്‌വെയറുകളിലാണ് നിലവില്‍ വിവരങ്ങള്‍ ശേഖരിക്കുന്നത്. ഏകീകൃത സംവിധാനമൊരുങ്ങുന്നതോടെ ക്ഷീര വകുപ്പിന്റെ ഏത് ഓഫീസില്‍നിന്നും നിരീക്ഷിക്കാനാകും. തിരുവനന്തപുരം മസ്‌കറ്റ് ഹോട്ടലില്‍ നടന്ന ചടങ്ങില്‍ മുഖ്യമന്ത്രി പിണറായി വിജയന്‍ പോര്‍ട്ടലിന്റെ ഉദ്ഘാടനം നിര്‍വഹിത്.

മന്ത്രി ജെ. ചിഞ്ചുറാണി പുതുതായി പുറത്തിറങ്ങുന്ന മില്‍മ ഉത്പന്നങ്ങളുടെ ഉദ്ഘാടനം നിര്‍വഹിച്ചു. 100 ദിന കര്‍മപദ്ധതിയുടെ ഭാഗമായാണ് ഏകികൃത പോര്‍ട്ടല്‍ സംവിധാനം ഒരുക്കിയിരിക്കുന്നത്. ഗുണനിലവാരം, അളവിന്റെ കൃത്യത എന്നിവക്കായി മില്‍ക്ക് അനലൈസറും അളവ് യന്ത്രവും കാലിബറേറ്റ് ചെയ്തുവെന്ന് ഉറപ്പാക്കണം കൂടാതെ പാലിലെ കൊഴുപ്പ്, കൊഴുപ്പിതര ഘടകങ്ങള്‍ എന്നിവയുടെ ശതമാനം അനലൈസറില്‍നിന്ന് കൃത്യമായി ലഭിക്കുകയും വേണം.

മില്‍ക്ക് അനലൈസര്‍, വെയിങ് മെഷീന്‍ എന്നിവയില്‍നിന്നുള്ള വിവരങ്ങള്‍ സോഫ്റ്റ്‌വെയറില്‍ ലഭ്യമാകുന്നെന്ന് ഉറപ്പാക്കണം മാത്രമല്ല പാല്‍ അളക്കുന്ന ക്ഷീരകര്‍ഷകര്‍ ക്ഷീരശ്രീ പോര്‍ട്ടലില്‍ രജിസ്റ്റര്‍ ചെയ്ത സ്മാര്‍ട്ട് ഐ.ഡി. സ്വന്തമാക്കുകയും ചെയ്യേണ്ടതുണ്ട്.

Kerala's dairy industry is set for a digital overhaul! The state government is integrating all dairy-related activities under a single portal, aiming to boost efficiency, transparency, and farmer benefits.