ദമാം: മുസ്‌ലിം ലീഗിന്റെ ജനകീയ മുഖമായി കെ.എം.സി.സി നടത്തുന്ന പ്രവര്‍ത്തനങ്ങള്‍ ശ്രദ്ധേയമാണെന്ന് യൂത്ത് ലീഗ് സംസ്ഥാന പ്രസിഡണ്ട് പാണക്കാട് സയ്യിദ് മുനവ്വറലി ശിഹാബ് തങ്ങള്‍. കിഴക്കന്‍ പ്രവിശ്യാ ഹജ്ജ് സെല്ലിന് കീഴില്‍ മിനായില്‍ സേവനം ചെയ്ത നൂറോളം സന്നദ്ധ പ്രവര്‍ത്തകര്‍ക്ക് നല്‍കിയ അനുമോദന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മുസ്ലീം യൂത്ത് ലീഗ് പ്രവര്‍ത്തകര്‍ ദുരിതാശ്വാസ പ്രവര്‍ത്തനങ്ങളില്‍ അടക്കം നാട്ടുകാര്‍ക്ക് സേവനം ചെയ്യുംമ്പോള്‍ സഊദിയിലെ പ്രവാസ ലോകത്തെ അനുയായികള്‍ ലോക ജനതക്കായി ഹജ്ജ് വേളയില്‍ ചെയ്യുന്ന നിസ്വാര്‍ത്ഥ പ്രവര്‍ത്തങ്ങള്‍ തുല്യതയില്ലാത്തതുമാണെന്ന് അദ്ദേഹം കൂട്ടിച്ചേര്‍ത്തു. രാജ്യം നേരിടുന്ന മതേതര ജനാധിപത്യ വിരുദ്ധ ഭീഷണികളെ തിരിച്ചറിഞ്ഞു പക്വമായ ഇടപെടലിലൂടെ രാജ്യത്തിന്റെ പൈതൃകം കാത്തു സൂക്ഷിക്കാന്‍ രാജ്യത്തെ ബഹുഭൂരിപക്ഷം വരുന്ന പ്രതിപക്ഷ നിരയുടെ യോജിപ്പ് ഉണ്ടാകണമെന്നും ഇതിനായി മുസ്ലീം ലീഗ് ദേശീയ കമ്മിറ്റി ഇന്ത്യ എല്ലാവരുടെയും ഭയരഹിത ഇന്ത്യ എന്ന കാമ്പയിന് ഈ മാസം തന്നെ തുടക്കം കുറിക്കുമെന്നും വ്യക്തമാക്കി.

കിഴക്കന്‍ പ്രവിശ്യാ കെ.എം.സി.സി പ്രസിഡണ്ട് മുഹമ്മദ് കുട്ടി കോഡൂര്‍ അധ്യക്ഷത വഹിച്ച യോഗത്തില്‍ മുസ്ലീം യൂത്ത് ലീഗ് സംസ്ഥാന സെക്രട്ടറി പി കെ ഫിറോസ്, യൂത്ത് ലീഗ് ദേശീയ നിര്‍വ്വാഹക സമിതിയംഗം ഷിബു മീരാന്‍ പെരുമ്പാവൂര്‍, സഊദി കെ.എം,സി,സി നാഷണല്‍ കമ്മിറ്റി പ്രസിഡണ്ട് കെപി മുഹമ്മദ് കുട്ടി, ജനറല്‍ സെക്രട്ടറി ഖാദര്‍ ചെങ്കള എന്നിവര്‍ ആശംസകള്‍ നേര്‍ന്നു. പ്രവിശ്യാ കെ.എം.സി.സി ഹജ്ജ് സെല്ലുമായി സഹകരിച്ചവര്‍ക്കുള്ള പുരസ്‌ക്കാരം ദാറുസിഹ പോളിക്‌ളിനിക്കിന് വേണ്ടി നാസര്‍ ഖാദര്‍ കാക്കനാടും ആര്‍ പി എം മെഡിക്കല്‍ സര്‍വ്വീസ് ഗ്രൂപിന് വേണ്ടി ബനീഷ് അബ്ദുള്ളയും ഏറ്റുവാങ്ങി. കിഴക്കന്‍ പ്രവിശ്യാ കമ്മിറ്റി നടപ്പാക്കുന്ന വിദ്യഭ്യാസ കരിയര്‍ പ്രോഗ്രാമായ എജ്യൂ ലൈറ്റ് 2019 ലോഞ്ചിംഗ് ചടങ്ങില്‍ വെച്ച് നടന്നു.ഡോ അബ്ദുസ്സലാം കണ്ണിയന്‍, പദ്ദതി വിശദീകരിച്ചു.

സൗദി കെ,എം.സി.സി ഓഡിറ്റര്‍ യു എ റഹീം,നാഷണല്‍ സെക്രട്ടേറിയേറ്റംഗം സക്കീര്‍ അഹമ്മദ്, ടി പി മുഹമ്മദ് കണ്ണൂര്‍,
എന്നിവര്‍ സന്നിഹിതരായിരുന്നു.ഹജ്ജ് സെല്‍ പ്രവര്‍ത്തനങ്ങളില്‍ നേതൃപരമായ സേവനം ചെയ്ത ഖാദര്‍ മാസ്റ്റര്‍ വാണിയമ്പലം , റഹ്മാന്‍ കാരയാട്,ബഷീര്‍ ബാഖവി പറമ്പില്‍ പീടിക,.ഇസ്മായില്‍ പുള്ളാട്ട്,ഖാദര്‍ അണങ്കൂര്‍,മഹ്മൂദ് പുക്കാട് എന്നിവര്‍ക്ക് പ്രത്യേക പുരസ്‌കാരങ്ങളും ഹജ്ജ് സന്നദ്ധ സേവകര്‍ക്കുള്ള സര്ട്ടിഫിക്കറ്റുകളും ചടങ്ങില്‍ സമ്മാനിച്ചു.ജനറല്‍ സെക്രട്ടറി ആലിക്കുട്ടി ഒളവട്ടൂര്‍ സ്വാഗതവും റഹ്മാന്‍ കാരയാട് നന്ദിയും പറഞ്ഞു.പ്രവിശ്യയിലെ വിവിധ സെന്‍ട്രല്‍ ജില്ലാ കമ്മിറ്റികളില്‍ നിന്നായി വനിതകളടക്കം എഴുന്നൂറോളം പ്രവര്‍ത്തകര്‍ സംബന്ധിച്ച അനുമോദന മഹാ സമ്മേളനത്തിനു പ്രവിശ്യാ കെ.എം.സി.സി ഭാരവാഹികളായ മാമു നിസാര്‍ കോടമ്പുഴ,ഖാദി മുഹമ്മദ്,ഉസ്മാന്‍ ഒട്ടുമ്മല്‍,ഹംസ തൃക്കടീരി,അബ്ദുല്‍ അസീസ് എരുവാട്ടി,സലിം പാണമ്പ്ര,സിദ്ധീക്ക് പാണ്ടികശാല,നൌഷാദ് തിരുവനന്തപുരം,ഹമീദ് വടകര,ദമ്മാം സെന്‍ട്രല്‍ കമ്മിറ്റി ആക്ടിംഗ് പ്രസിഡണ്ട് അസീസ് കോറോം എന്നിവര്‍ നേതൃത്വം നല്‍കി.