നാദാപുരം: താലൂക്ക് ആശുപത്രിക്കു സമീപം അനധികൃതമായി നിര്‍മിച്ച മതില്‍ നാട്ടുകാര്‍ പൊളിച്ചുനീക്കി. ഇവിടെ സ്വകാര്യവ്യക്തി പുതുതായി നിര്‍മിച്ച കെട്ടിടത്തോടു ചേര്‍ന്ന് ഇന്നലെ രാവിലെയാണു മതില്‍ നിര്‍മിച്ചത്.
പൊതുവഴി തടസപ്പെടുത്തിയുള്ള മതില്‍ നിര്‍മാണം നാട്ടുകാര്‍ ചോദ്യം ചെയ്തതോടെയാണു പൊളിച്ചുനീക്കിയത്. കെട്ടിട നിര്‍മാണ ചട്ടങ്ങള്‍ പാലിക്കാതെയാണ് ഇവിടെ കെട്ടിടനിര്‍മാണം നടക്കുന്നതെന്ന പരാതി നിലനില്‍ക്കെയാണു മതില്‍ നിര്‍മിച്ചത്. കെട്ടിട ഉടമയ്‌ക്കെതിരേ പരിസരത്തെ സ്ഥല ഉടമകള്‍ പൊലിസില്‍ പരാതി നല്‍കി.