നെടുമ്പാശ്ശേരി: അന്താരാഷ്ട്ര വിമാനത്താവളം വഴി മലേഷ്യയിലേക്ക് കടത്താന്‍ ശ്രമിച്ച 14 ലക്ഷം രൂപയുടെ യു.എസ് ഡോളര്‍ കസ്റ്റംസ് വിഭാഗം പിടിച്ചെടുത്തു. എറണാകുളം സ്വദേശിയാണ് പിടിയിലായത്. കഴിഞ്ഞ ദിവസം രാത്രി 12 മണിയോടെ നെടുമ്പാശ്ശേരിയില്‍ നിന്ന് മലേഷ്യയിലെ ക്വലാലംപൂരിലേക്ക് പോകുന്ന എയര്‍ ഏഷ്യ വിമാനത്തില്‍ യാത്ര ചെയ്യാനെത്തിയ ഇയാള്‍ ലഗേജിലാണ് ഡോളര്‍ ഒളിപ്പിച്ചിരുന്നത്. പ്രതിയെ കസ്റ്റംസ് കസ്റ്റഡിയിലെടുത്ത് ചോദ്യം ചെയ്ത് വരികയാണ്.