പുത്തനത്താണി: പുത്തനത്താണി ബൈപ്പാസില്‍ പൊടിപടലങ്ങളുടെ പൂരം. കല്‍പകഞ്ചേരി ഗ്രാമപഞ്ചായത്ത് കുടിവെള്ള വിതരണത്തിന് വേണ്ടി പൈപ്പിടുന്നതിന് ചാല് കീറിയതോടെയാണ് പൊടിപടലങ്ങള്‍ അന്തരീക്ഷത്തില്‍ വ്യാപിച്ചത്. ഇത് മൂലം കച്ചവടക്കാരും യാത്രക്കാരും വളരെ പ്രയാസപ്പെട്ടാണ് ദിവസങ്ങള്‍ തള്ളി നീക്കുന്നത്. വണ്‍ വേ സംവിധാനമുള്ള വീതി കുറഞ്ഞ ബൈപ്പാസില്‍ കൂടി വാഹനങ്ങള്‍ എല്ലായിപ്പോഴും കടന്ന് പൊടിപടലങ്ങള്‍ രൂക്ഷമാക്കുന്നു. ആസ്തമ, അലര്‍ജി പോലുള്ള രോഗമുള്ളവരടക്കം വളരെ പ്രയാസത്തിലാണ് ഇതിലൂടെ കടന്നു പോകുന്നത്. ബന്ധപ്പെട്ട അധികാരികള്‍ എത്രയും പെട്ടന്ന് പരിഹാരം കാണണെമെന്ന് കച്ചവടക്കാരും യാത്രക്കാരും മറ്റും ആവശ്യപ്പെടുന്നത്.