മെഡിക്കല്‍ കോളജ്: ഇരുചക്രവാഹനത്തില്‍ നിന്നും പെട്രോള്‍ ഉറ്റിയത് ചോദ്യം ചെയ്ത യുവാവിന് നേരെ പടക്കമെറിഞ്ഞ് ഭീകരാന്തരീക്ഷം
സൃഷ്ടിച്ച ശേഷം മര്‍ദിച്ചു പരുക്കേല്‍പിച്ചു.
രാജീവ് നഗര്‍ ചെറുകരകോണത്ത് വീട്ടില്‍ മിഥുനാ(30) ണ് മര്‍ദനമേറ്റത്. ഗുരുതരമായി പരുക്കേറ്റ ഇയാളെ മെഡിക്കല്‍
കോളജ് ആശുപത്രിയില്‍ പ്രവേശിപ്പിച്ചു.
 കഴിഞ്ഞ ദിവസം പുലര്‍ച്ചെ  മൂന്ന് മണിയോടെയായിരുന്നു സംഭവം. പരുക്കേറ്റ യുവാവ് ടാക്‌സി ഡ്രൈവറാണ്.  വീട്ടില്‍ നിന്നു സുഹൃത്തിന്റെ ബൈക്കുമായി മെഡിക്കല്‍ കോളജ് പഴയ റോഡിലെത്തി, ബൈക്ക് അവിടെ വച്ചിട്ടു ജോലിക്കു പോവുകയാണ് പതിവ്. ഇന്നലെ പുലര്‍ച്ചെ ജോലി കഴിഞ്ഞു തിരികെ വീട്ടിലേക്കു പോകാന്‍ ബൈക്കെടുക്കാനെത്തിയപ്പോഴാണ് മൂന്നംഗ സംഘം മറ്റൊരു ബൈക്കില്‍ നിന്നു പെട്രോള്‍ ഊറ്റുന്നത് ശ്രദ്ധയില്‍പെട്ടത്. ഇത് ചോദ്യം ചെയ്ത മിഥുന് നേരെ പടക്കമെറിഞ്ഞ സംഘം മാരകമായി മര്‍ദിക്കുകക്കുകയായിരുന്നു.  
സംഭവത്തില്‍ കേസെടുത്ത് അന്വേഷണം ആരംഭിച്ചതായി മെഡിക്കല്‍ കോളജ് പൊലീസ് അറിയിച്ചു.