കൊല്ലം: ആശ്രാമം പൈതൃക ഗ്രാമ സൗന്ദര്യവല്‍കരണത്തിനും വൈദ്യുതീകരണത്തിനുമായി വിനോദ സഞ്ചാര വകുപ്പ്   50 ലക്ഷം രൂപ  അനുവദിച്ചതായി എന്‍.കെ. പ്രേമചന്ദ്രന്‍ എം.പി അറിയിച്ചു.  
കൊല്ലം പരിസ്ഥിതി സൗഹൃദ വിനോദ സഞ്ചാര വികസനത്തിനു പദ്ധതി നടപ്പിലാക്കണമെന്ന് എം.പി. ആവശ്യപ്പെട്ടതനുസരിച്ചാണ് തുക അനുവദിച്ചത്.  കെ.എസ്.ആര്‍.ടി.സി മുതല്‍ ലിങ്ക് റോഡ് വഴി അഡ്വഞ്ചര്‍ പാര്‍ക്ക് വരെയുളള 40 ഇല്കട്രിക് പോസ്റ്റുകളില്‍ എല്‍ഇഡി ലൈറ്റുകള്‍ സ്ഥാപിക്കുക, അഡ്വഞ്ചര്‍ പാര്‍ക്ക് സന്ദര്യവല്‍ക്കരിക്കുക, അഡ്വഞ്ചര്‍ പാര്‍ക്കിലെ കുളം നവീകരിക്കുക, പടിപ്പുരകള്‍ നിര്‍മ്മിക്കുക, വാക്ക്‌വേ നിര്‍മ്മിക്കുക തുടങ്ങി  അഡ്വഞ്ചര്‍ പാര്‍ക്കിന്റെയും പൈതൃക ഗ്രാമത്തിന്റെയും നവീകരണത്തിനും സൗന്ദര്യവല്‍ക്കരണത്തിനും വേണ്ടി സമര്‍പ്പിച്ച പദ്ധതികള്‍ക്കാണ് തുക അനുവദിച്ചത്.