ലണ്ടന്‍: ലണ്ടനില്‍ കഠാര ആക്രമണത്തില്‍ ഒരു സത്രീ മരിക്കുകയും ആറോളം പേര്‍ക്ക് പരുക്കേല്‍ക്കുകയും ചെയ്തു.

ലണ്ടനിലെ റസല്‍ സ്‌ക്വയറിലാണ് സംഭവമുണ്ടായത്. സംഭവത്തില്‍ ഒരാളെ പിടികൂടിയിട്ടുണ്ട്,

ബുധനാഴ്ച്ച രാത്രിയിലാണ് ആക്രമണമുണ്ടായത്. സംഭവത്തെ തുടര്‍ന്ന് നഗരം പൊലിസ് വലയത്തിലാണ്. ലണ്ടന്‍ യൂണിവേഴ്‌സിറ്റിയും ബ്രിട്ടീഷ് മ്യൂസിയവും അടച്ചിട്ടിരിക്കുകയാണ്.

സംഭവത്തിനു പിന്നില്‍ ഭീകരവാദ ബന്ധമുണ്ടെന്ന് സംശയിക്കുന്നുണ്ടെന്നും കൂടുതല്‍ വിവരങ്ങള്‍ പരിശോധിച്ചു വരികയാണെന്നും പൊലിസ് അറിയിച്ചു. അപകടത്തില്‍ മരിച്ച സ്ത്രീയെ ക്കുറിച്ചും പരുക്കേറ്റവരെക്കുറിച്ചുമുള്ള വിവരങ്ങള്‍ പുറത്തുവിട്ടിട്ടില്ല.