അറ്റ്‌വാറ്റര്‍: കാലിഫോര്‍ണിയ ഹൈവേയില്‍ ബസ് ദിശാബോര്‍ഡിലിടിച്ച് നാല് പേര്‍ മരിച്ചു.16 പേര്‍ക്ക് പരുക്കേറ്റു. ഇതില്‍ 7 പേരുടെ നില ഗുരുതരമാണ്. ചൊവ്വാഴ്ച്ച പുലര്‍ച്ചെ 3.30ഓടെയാണ് അപകടമുണ്ടായത്.

മെക്‌സികോയില്‍ നിന്നും വാഷിങ്ടണിലേക്ക് പോകുന്ന ബസ്സാണ് അപകടത്തില്‍ പെട്ടത്. ബസ്സില്‍ ഡ്രൈവര്‍ അടക്കം 27 പേരാണ് ഉണ്ടായിരുന്നത്. അപകടത്തിന്റെ കാരണമെന്താണെന്ന് വ്യക്തമല്ല. ഡ്രൈവര്‍ ഉറങ്ങിപോയതാകാം കാരണമെന്നാണ് പ്രാഥമിക വിലയിരുത്തല്‍.