നരിക്കുനി: പാറന്നൂര്‍ പി.പി ഇബ്രാഹിം മുസ്‌ലിയാര്‍ മെമ്മോറിയല്‍ അക്കാദമിയുടെ കീഴില്‍ നടന്ന 150 ഓളം കുടുംബങ്ങള്‍ക്കുള്ള റംസാന്‍ കിറ്റ് വിതരണം മടവൂര്‍ ഗ്രാമപഞ്ചായത്ത് പ്രസിഡന്റ് വി.സി അബ്ദുല്‍ ഹമീദ് മാസ്റ്റര്‍ ഉദ്ഘാടനം ചെയ്തു.
യോഗത്തില്‍ ആലിക്കുട്ടി മാസ്റ്റര്‍ അധ്യക്ഷനായി. എസ്.എസ്.എല്‍.സി, പ്ലസ് ടു , സി.ബി.എസ്.ഇ പരീക്ഷകളില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ വിദ്യാര്‍ഥികള്‍ക്കുള്ള അവാര്‍ഡ് റഷീദ് ഫൈസി വെള്ളായിക്കോട് വിതരണം ചെയ്തു.പാവപെട്ട കുടുംബങ്ങള്‍ക്കുള്ള സഹായ വിതരണം പി.പി അസ്‌ലം ബാഖവി നിര്‍വഹിച്ചു. പി. മുഹമ്മദലി മാസ്റ്റര്‍,കെ. കുഞ്ഞാമു, പങ്കജാക്ഷന്‍, എ.സി ശിഹാബുദ്ധീന്‍, സി. മുഹമ്മദ്, ഖാദര്‍ മാസ്റ്റര്‍, കെ.പി മുഹമ്മദ്, എന്‍.സി അബൂബക്കര്‍ മാസ്റ്റര്‍, കെ.ടി ജസീം, പി. ആലി , ജൈസല്‍ എ.പി, റസാഖ്.വി, ഐ.പി ഷഹീര്‍ സംസാരിച്ചു.