നിലമ്പൂര്‍: ഖുര്‍ആന്‍ സുകൃതങ്ങളുടെ വചനപ്പൊരുള്‍ എന്ന പ്രമേയവുമായി സുന്നിയുവജന സംഘം ആചരിക്കുന്ന റമദാന്‍ കാംപയിന്റെ ഭാഗമായി മണ്ഡലം തസ്‌കിയത്ത് ക്യാംപും ഇഫ്താര്‍ സംഗമവും നാളെ വഴിക്കടവ് സമസ്ത ഇസ്‌ലാമിക് സെന്ററില്‍ നടക്കും.
ഉച്ചയ്ക്ക് രണ്ടിന് സമസ്ത സെക്രട്ടറി എം.ടി അബ്ദുല്ല മുസ്‌ലിയാര്‍ ഉദ്ഘാടനം ചെയ്യും. എസ്.വൈ.എസ് മണ്ഡലം പ്രസിഡന്റ് അബ്ദുല്‍ അസീസ് മുസ്‌ലിയാര്‍ മൂത്തേടം അധ്യക്ഷനാകും. എസ്.വൈ.എസ് ജില്ലാ സെക്രട്ടറി ഹംസ റഹ്മാനി കൊണ്ടിപറമ്പ് പ്രമേയ പ്രഭാഷണം നടത്തും.
സൗഹൃദ സംഗമം പി.വി അബ്ദുല്‍ വഹാബ് എം.പി ഉദ്ഘാടനം ചെയ്യും. പി.വി അന്‍വര്‍ എം.എല്‍.എ, ഡി.സി.സി പ്രസിഡന്റ് വി.വി പ്രകാശ്, എടക്കര സി.ഐ സന്തോഷ്, പഞ്ചായത്ത് അംഗങ്ങള്‍, ജനപ്രതിനിധികള്‍, രാഷ്ട്രീയ, സാമൂഹിക, സാംസ്‌കാരിക രംഗത്തെ പ്രമുഖര്‍ സംബന്ധിക്കും. എസ്.വൈ.എസ് മണ്ഡലം, പഞ്ചായത്ത് കൗണ്‍സിലര്‍മാര്‍, യൂനിറ്റ് ഭാരവാഹികള്‍ ക്യാംപില്‍ പങ്കെടുക്കണമെന്ന് മണ്ഡലം ജന. സെക്രട്ടറി സലീം എടക്കര അറിയിച്ചു.