കണ്ണൂര്‍: പെര്‍മിറ്റില്‍ അനുവദിച്ച സ്ഥലത്ത് മാത്രം ഓട്ടോറിക്ഷകള്‍ പാര്‍ക്ക് ചെയ്യുക, കെ.എം.സിയുള്ള ഓട്ടോറിക്ഷകള്‍ക്ക് ടൗണ്‍ പെര്‍മിറ്റ് അനുവദിക്കുക, ഓട്ടോകള്‍ക്ക് നിലവിലുള്ള മഞ്ഞനിറത്തിനു പുറമേ 40 സെന്റിമീറ്റര്‍ കൂടുതലായി അടിക്കണമെന്ന ആര്‍.ടി.എ ഉത്തരവ് പിന്‍വലിക്കുക തുടങ്ങിയ ആവശ്യങ്ങള്‍ ഉന്നയിച്ച് കലക്ടറേറ്റിനു മുന്‍പ് സി.ഐ.ടി.യു ഒഴികെയുള്ള സംയുക്ത ട്രേഡ് യൂനിയിന്‍ സമിതി സംഘടിപ്പിച്ച അനിശ്ചിതകാല സത്യാഗ്രഹത്തിനു പിന്തുണ പ്രഖ്യാപിച്ചു നടത്തുന്ന 24 മണിക്കൂര്‍ സൂചനാ പണിമുടക്ക് ഇന്ന് രാവിലെ ആറു മുതല്‍ വൈകുന്നേരം ആറു വരെ നടക്കും.
പണിമുടക്കിനോടനുബന്ധിച്ച് രാവിലെ 10ന് നടക്കുന്ന പ്രകടനം കലക്ടറേറ്റിലെ സമരപന്തലില്‍ നിന്നാരംഭിച്ച് പഴയ ബസ് സ്റ്റാന്‍ഡില്‍ സമാപിക്കും.