തൃശൂര്‍: എഫ്.സി കേരളയുടെ ജേഴ്‌സി കിറ്റ് വിതരണം തൃശൂര്‍ രാമനിലയത്തില്‍ നടന്നു. മുന്‍ സ്പീക്കര്‍ കെ രാധാകൃഷ്ണനും കോര്‍പറേഷന്‍ കൗണ്‍സിലര്‍ എം.എസ് സമ്പൂര്‍ണയും ജേഴ്‌സി പ്രകാശനവും വിതരണവും നിര്‍വഹിച്ചു. കെ.വി ലാലുവും, ഗോള്‍കീപ്പര്‍ ഫെര്‍ണാണ്ടസും ജേഴ്‌സി ഏറ്റുവാങ്ങി. രണ്ടു തരം ജേഴ്‌സിയാണ് ടീമിനുള്ളത്. യു.പി ജോസഫ്, പ്രൊമോട്ടര്‍മാരായ വി.എ. നാരായണ മേനോന്‍, കെ.പി സണ്ണി, ജില്ല ഫുട്‌ബോള്‍ അസോസിയേഷന്‍ പ്രസിഡന്റ് സാലിഹ് എന്നിവര്‍ പങ്കെടുത്തു.

പ്രവാസികള്‍ ഉള്‍പ്പെടെയുള്ള 13 അംഗ പ്രൊമോട്ടര്‍മാരാണ് ക്ലബിന് നേതൃത്വം നല്‍കുന്നത്. രണ്ടു വര്‍ഷമായി തൃശൂര്‍ ജില്ലാ സൂപ്പര്‍ ലീഗ് ജേതാക്കളായ ടീം കഴിഞ്ഞ സംസ്ഥാന ക്ലബ് ഫുട്‌ബോള്‍ ചാംപ്യന്‍ഷിപ്പില്‍ സെമിയിലുമെത്തി. ടീമിന്റെ ആസ്ഥാനവും പരിശീലനവും തൃശൂരിലാണ്. പരിശീലനം കോര്‍പറേഷന്‍ സ്റ്റേഡിയത്തില്‍ നടക്കും.