തിരുവനന്തപുരം: കോണ്‍ഗ്രസ് ഒരിക്കലും ആര്‍.എസ്.എസിന്റെ കെണിയില്‍ വീണിട്ടില്ലെന്ന് കെ.പി.സി.സി അധ്യക്ഷന്‍ മുല്ലപ്പള്ളി രാമചന്ദ്രന്‍.
കെണിയില്‍ വീഴാന്‍ കോണ്‍ഗ്രസ് എലിയല്ല. ആര്‍.എസ്.എസിനെ രണ്ടുതവണ നിരോധിച്ച സംഘടനയാണ് കോണ്‍ഗ്രസ്.
ഒരു രാഷ്ട്രീയപ്രസ്ഥാനത്തിന്റെയും കെണിയില്‍വീഴാത്ത പാര്‍ട്ടിയാണ് കോണ്‍ഗ്രസ്. യുവമോര്‍ച്ചയുടെ യോഗത്തില്‍ ശ്രീധരന്‍പിള്ള നടത്തിയത് അപകടകരമായ പ്രസംഗമാണ്.
സാമുദായിക ലഹള ആളിക്കത്തിക്കാന്‍ ശ്രമിച്ച കുറ്റത്തിന് ശ്രീധരന്‍പിള്ളക്കെതിരേ നിയമനടപടി സ്വീകരിക്കാന്‍ സര്‍ക്കാര്‍ തയാറാകണം.
ശബരിമലയെ രാഷ്ട്രീയനേട്ടത്തിനുള്ള സുവര്‍ണ അജന്‍ഡയാക്കി ബി.ജെ.പി മാറ്റി. സംഘ്പരിവാര്‍ ശക്തികളുടെ ശബരിമല അജന്‍ഡക്ക് അന്തിമ രൂപംനല്‍കിയത് ബി.ജെ.പി ദേശീയ അധ്യക്ഷന്‍ അമിത്ഷായുടെ സാന്നിധ്യത്തിലാണെന്നും അദ്ദേഹം പറഞ്ഞു.