പാലക്കാട്: മുഖ്യമന്ത്രിയുടെ കത്ത് വായിച്ചതിന് ശേഷം വിദ്യാര്‍ഥികളുടെ അഭിപ്രായങ്ങളും നിര്‍ദേശങ്ങളും പേര്, സ്‌കൂളിന്റെ വിലാസം രേഖപ്പെടുത്തി പിണറായി വിജയന്‍, കേരളാ മുഖ്യമന്ത്രി, റൂം നം.141, മൂന്നാം നില, നോര്‍ത്ത് ബ്ലോക്ക്, സെക്രട്ടേറിയറ്റ്, തിരുവനന്തപുരം-695 001 വിലാസത്തില്‍ പ്രധാനാധ്യാപകന്‍ മുഖേനെ അയക്കൂ. അയയ്ക്കുന്നതിന് മുമ്പ് എല്‍.പി, യു.പി, ഹൈസ്‌കൂള്‍ തലത്തിലെ വിദ്യാര്‍ഥികളുടെ പ്രതികരണങ്ങളില്‍ ഏറ്റവും മികച്ച മൂന്ന് കത്തുകള്‍ പകര്‍പ്പെടുത്ത് പ്രഥമാധ്യാപകര്‍ വിദ്യാഭ്യാസ ഉപഡയറക്ടര്‍ക്ക് നല്‍കും. ആദ്യ മൂന്ന് സ്ഥാനങ്ങള്‍ക്ക് അര്‍ഹമായ രചനകള്‍ മൂന്നംഗ സമിതി നിര്‍ണയിക്കും. മികച്ച പ്രതികരണങ്ങള്‍ക്ക് സമ്മാനം നല്‍കും.