ബ്യൂണസ് അയേഴ്‌സ്: അടുത്ത മാസം നടക്കുന്ന സൗഹൃദ മത്സരങ്ങള്‍ക്കുള്ള അര്‍ജന്റീനയുടെ സാധ്യതാ ടീമിനെ പ്രഖ്യാപിച്ചു. പ്രമുഖ താരങ്ങള്‍ ഇല്ലാതെയാണ് അര്‍ജന്റീന പരിശീലകന്‍ സ്‌കലോണി ടീം പ്രഖ്യാപിച്ചിട്ടുള്ളത്. അടുത്ത മാസം 10ന് ജര്‍മനിക്കെതിരേയും 13ന് ഇക്വഡോറിനെതിരേയുമാണ് അര്‍ജന്റീനയുടെ സൗഹൃദ മത്സരങ്ങള്‍.
മൂന്ന് മാസത്തെ വിലക്ക് നിലനില്‍ക്കുന്നതിനാല്‍ മെസ്സിക്കും ടീമിലിടം നേടാന്‍ കഴിഞ്ഞിട്ടില്ല. മാഞ്ചസ്റ്റര്‍ സിറ്റിയില്‍ മികച്ച ഫോമിലുള്ള സെര്‍ജിയോ അഗ്വോറൊയും പി.എസ്.ജിക്ക് വേ@ണ്ടി മികച്ച ഫോമിലുള്ള ഡി മരിയയും ടീമില്‍ ഉള്‍പ്പെട്ടിട്ടില്ല.
കോപ ലിബെര്‍ട്ടഡോര്‍സ് മത്സരം നടക്കുന്നതിനാല്‍ ബോക്കാ ജൂനിയര്‍സ് താരങ്ങളെയും റിവര്‍ പ്ലേറ്റ് താരങ്ങളെയും ദേശീയ ടീമില്‍ ഉള്‍പ്പെടുത്തിയിട്ടില്ല. ആഴ്‌സനല്‍ താരം എമിലാനോ മാര്‍ട്ടിനസും ടോട്ടനം താരങ്ങളായ എറിക് ലാമേലയും യുവാന്‍ ഫോയതും ടീമില്‍ തിരിച്ചെത്തി. അത്‌ലറ്റികോ മാഡ്രിഡ് താരം എയ്ഞ്ചല്‍ കൊറിയയും ടീമില്‍ ഇടം നേടിയിട്ടു@ണ്ട്. ഉടന്‍ തന്നെ ദേശീയ മത്സരത്തിനുള്ള ക്യാംപ് തുടങ്ങുമെന്ന് പരിശീലകന്‍ അറിയിച്ചു.