കൊച്ചി: മെട്രോ ഉദ്ഘാടന യാത്രക്കിടെ വലിഞ്ഞുകയറിയ ബി.ജെ.പി സംസ്ഥാന പ്രസിഡന്റ് കുമ്മനം രാജശേഖരനെ ട്രോളുകയാണ് സോഷ്യല്‍മീഡിയ. ഇവരുടെ മെട്രോ യാത്രയുടെ ചിത്രങ്ങളാണ് സോഷ്യല്‍മീഡിയയില്‍ ഇപ്പോള്‍ നന്നായി പ്രചരിക്കുന്നത്. എന്നാല്‍ മെട്രോയാത്രയുടെ ഫോട്ടോ ഫെയ്‌സ്ബുക്കിലിട്ട പിണറായി വിജയന്‍ ഈ കുമ്മനത്തെ നൈസായിട്ടൊന്നു വെട്ടി.

പ്രധാനമന്ത്രിയുടെ ഇടതും വലതുമായാണ് നാല് പേര്‍ ഇരുന്നത്. വലതു വശത്ത് മുഖ്യമന്ത്രിയും കേന്ദ്ര നഗരവികസന മന്ത്രി വെങ്കയ്യ നായിഡുവും. ഇടത് വശത്ത് ഗവര്‍ണര്‍ പി.സദാശിവത്തിന് സമീപമായി കുമ്മനം രാജശേഖരനും

എന്നാല്‍ മുഖ്യമന്ത്രിയുടെ ഫേസ്ബുക്ക് പേജില്‍ ചിത്രം പ്രത്യക്ഷപ്പെട്ടപ്പോള്‍ ഭംഗിയായി കുമ്മനത്തെ അതില്‍ നിന്നും നീക്കംചെയ്തിരിക്കുന്നു.