ബംഗളൂരു: വിജയ് ഹസാരെ ട്രോഫിയില്‍ ഹൈദരാബാദിനെ കേരളം 62 റണ്‍സിന് പരാജയപ്പെടുത്തി. ആദ്യം ബാറ്റ് ചെയ്ത കേരളം 50 ഓവറില്‍ 227 റണ്‍സ് മാത്രമാണ് എടുത്തിരുന്നത്. എന്നാല്‍ മറുപടി ബാറ്റിങ്ങിനിറങ്ങിയ ഹൈദരാബാദിന് 165 റണ്‍സ് എടുക്കാനെ കഴിഞ്ഞുള്ളൂ. കേരള താരം ആസിഫിന്റെ ബൗളിങ്ങിന്റെ കരുത്തിലായിരുന്നു ഹൈദരാബാദ് ബാറ്റിങ്‌നിര തകര്‍ന്നടിഞ്ഞത്. ഹൈദരാബാദിന്റെ ആദ്യ നാല് വിക്കറ്റുകള്‍ വെറും 12 റണ്‍സ് സ്‌കോര്‍ ബോര്‍ഡില്‍ നില്‍ക്കുമ്പോഴാണ് ആസിഫ് വീഴ്ത്തിയത്.

തുടര്‍ന്ന് തന്മയ് അഗര്‍വാളും രോഹിത് റായുഡുവും മികച്ച കൂട്ടുകെട്ട് സൃഷ്ടിച്ച് മത്സരത്തില്‍ ആധിപത്യം പുലര്‍ത്താന്‍ ശ്രമിച്ചെങ്കിലും കേരള ബൗളര്‍മാര്‍ കൃത്യമായ ഇടവേളകളില്‍ വിക്കറ്റ് വീഴ്ത്തി ജയം ഉറപ്പിക്കുകയായിരുന്നു. കേരളത്തിന് വേണ്ട@ി ആസിഫ് നാല് വിക്കറ്റ് വീഴ്ത്തിയപ്പോള്‍ ബേസില്‍ തമ്പിയും അക്ഷയ് ചന്ദ്രനും വാര്യരും ര@ണ്ട് വിക്കറ്റ് വീതം വീഴ്ത്തി. വിജയ് ഹസാരെയില്‍ കേരളത്തിന്റെ ആദ്യ ജയമായിരുന്നു ഇത്.
കേരളത്തിന് വേണ്ട@ി സഞ്ജു സാംസണ്‍ 36 റണ്‍സും രാഹുല്‍ പി 35 റണ്‍സും റോബിന്‍ ഉത്തപ്പ 33 റണ്‍സും സച്ചിന്‍ ബേബി 32 റണ്‍സുമെടുത്ത് പുറത്തായി. ഈ വിജയം ടീമിന്റെ ആത്മവിശ്വാസം വര്‍ധിപ്പിക്കുന്നതായി കേരള നായകന്‍ റോബിന്‍ ഉത്തപ്പ പ്രതികരിച്ചു. ഈ സീസണിലാണ് കര്‍ണാടക താരമായ ഉത്തപ്പ കേരളത്തിന് വേണ്ടി മത്സരത്തിനിറങ്ങിയത്.