കാക്കനാട് : സ്വാതന്ത്ര ദിനത്തില്‍ എസ്.കെ.എസ്.എസ്.എഫ് സംസ്ഥാനത്തെ 170 കേന്ദ്രങ്ങളില്‍ ഫ്രീഡം സ്‌ക്വയര്‍ നടത്തും. ജില്ലയില്‍ മേഖല കമ്മിറ്റികളുടെ ആഭിമുഖ്യത്തില്‍ ആറ് കേന്ദ്രങ്ങളില്‍ നടത്തുന്ന ഫ്രീഡം സ്‌ക്വയറില്‍ പ്രതിജ്ഞയും പ്രഭാഷണവും നടക്കും. സാമൂഹിക സാംസ്‌ക്കാരിക മേഖലയിലെ പ്രമുഖര്‍ പരിപാടിയില്‍ സംബന്ധികും.
പൗര സ്വാതന്ത്രം ഹനിക്കപ്പെടുകയും, വര്‍ഗീയ വിധ്വംസക പ്രവര്‍ത്തനങ്ങള്‍ ഭീതി പടര്‍ത്തുകയും ചെയ്യുന്ന സാഹചര്യത്തില്‍ സംഘടിപ്പിക്കുന്ന ഫ്രീഡം സ്‌ക്വയറില്‍  സ്വാതന്ത്ര ദിനത്തില്‍ രാവിലെ ഒന്‍പതിന്  കൊച്ചി മേഖലയിലെ പുതിയ റോഡ് ജങ്ഷന്‍, കളമശ്ശേരി മേഖലയിലെ ചിറ്റേത്തുകര, ആലുവ മേഖലയിലെ കുന്നുകര, പെരുമ്പാവൂര്‍ മേഖയിലെ ചെറുവേലിക്കുന്ന്, കോതമംഗലം മേഖലയിലെ ഇഞ്ചൂര്‍, മൂവാറ്റുപുഴ മേഖലയിലെ പള്ളിപടിയിലും നടത്തുമെന്ന് എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഷെഫീഖ് തങ്ങളും, ജനറല്‍ സെക്രട്ടറി പി.എം ഫൈസലും അറിയിച്ചു.