ഉള്ളിയേരി: ദാറുല്‍ ഹുദാ ഇസ്‌ലാമിക് യൂണിവേഴ്‌സിറ്റിയില്‍ നിന്നും പുറത്തിറങ്ങുന്ന തെളിച്ചം മാസികയുടെ ഇരുപതാം വാര്‍ഷികത്തോടനുബന്ധിച്ച് കൂനഞ്ചേരി ദാറുന്നജാത്ത് വിദ്യാര്‍ത്ഥി സംഘടന 'ദിശ' നടത്തിയ ക.ച.ട.ത.പ സാഹിത്യ ശില്‍പശാല സമാപിച്ചു.

രണ്ടു ദിവസങ്ങളിലായി നടന്ന പരിപാടിയുടെ ഉദ്ഘാടനം കോളേജ് സെക്രട്ടറി അസീസ് മാസ്റ്റര്‍ നിര്‍വഹിച്ചു. എഴുത്തനുഭവങ്ങള്‍, സഞ്ചാരിയുടെ സാഹിത്യം, ദി റിയല്‍ മി, അയാള്‍ കഥ എഴുതുകയാണ്, എഴുത്തിന്റെ ബാലപാഠം, വായന വരികള്‍ക്കിടയിലൂടെ, ജൂനിയര്‍ സ്മാര്‍ട് തുടങ്ങിയ വിഷയങ്ങളില്‍ റാഷിദ് ഗസ്സാലി കൂളിവയല്‍, ഖാസിം ഇരിക്കൂര്‍, അബ്ദുല്‍ ഗഫൂര്‍ ഖാസിമി, ശഫീഖ് കെ.സി പന്നൂര്‍, ഇഖ്ബാല്‍ കെ.സി, ശാഫി ഹുദവി, ഗഫാര്‍ ഹുദവി, ഉസ്മാന്‍ കെ.സി ഹുദവി തുടങ്ങിയവര്‍ പങ്കെടുത്തു. എട്ട് സെഷനുകളിലായി നടന്ന പരിപാടിയില്‍ വിവിധ സ്ഥാപനങ്ങളില്‍ നിന്നുമായി എണ്‍പതോളം വിദ്യാര്‍ത്ഥികള്‍ പങ്കെടുത്തു.

ശില്‍പ ശാലയോടനുബന്ധിച്ച് സാഹിത്യ സാമ്പാര്‍ എന്ന പേരില്‍ മാഗസിന്‍ എക്‌സ്‌പോയും സ്വാദിഖ് പെരുമുഖത്തിന്റെ ഇശല്‍ നിലാവും സംഘടിപ്പിച്ചു. ദാറുന്നജാത്ത് പ്രിന്‍സിപ്പാള്‍ അന്‍വര്‍ സ്വാദിഖ് വാഫി അധ്യക്ഷത വഹിച്ചു. തമീം ഹുദവി, ഫാസില്‍ ഹുദവി, ഹസീബ് ഹുദവി, തൗഫീഖ് ഹുദവി, അനസ് ഹുദവി, മുസ്തഫ ഹുദവി, ബഷീര്‍ ഹുദവി എന്നിവര്‍ സംബന്ധിച്ചു.