കാട്ടാക്കട: ബൈക്കും സ്‌കൂള്‍ ബസും കൂട്ടിയിടിച്ച് ബൈക്ക് യാത്രികനായ വിദ്യാര്‍ഥി മരിച്ചു.  കാട്ടാക്കട ആമച്ചല്‍ മുണ്ടയ്ക്കല്‍വിള വീട്ടില്‍ വിഷ്ണു(21) ആണ്  മരിച്ചത്.
ഇന്നലെ രാവിലെ എട്ടിന്  വിളപ്പില്‍ശാല മലപ്പനംകോടായിരുന്നു അപകടം. കാട്ടാക്കടയില്‍ നിന്ന് വിളപ്പില്‍ശാല ഭാഗത്തേക്ക് വരികയായിരുന്ന വിഷ്ണുവിന്റെ ബൈക്കില്‍ എതിര്‍ ദിശയില്‍ നിന്നുവന്ന സ്വകാര്യ സ്‌കൂള്‍ ബസ് ഇടിക്കുകയായിരുന്നു. ഉടന്‍ മെഡിക്കല്‍ കോളജ് ആശുപത്രിയിലേക്ക് കൊണ്ടുപോയെങ്കിലും മരിച്ചു. വിളപ്പില്‍ശാല പൊലിസ് ഇന്‍ക്വസ്റ്റ് തയ്യാറാക്കിയ മൃതദേഹം പോസ്റ്റുമാര്‍ട്ടത്തിന് ശേഷം വീട്ടുവളപ്പില്‍ സംസ്‌കരിച്ചു.
പിതാവ് ലോഹിതന്‍ അഞ്ചു വര്ഷം മുന്‍പ് മരിച്ചു. മാതാവ് സതികുമാരി .രാജലക്ഷ്മി ഏകസഹോദരിയാണ്.