കൊച്ചി: പുതുവൈപ്പ് ഇന്ത്യന്‍ ഓയില്‍ കോര്‍പറേഷന്റെ (ഐ.ഒ.സി) എല്‍.പി.ജി പ്ലാന്റിനെതിരേ സമരം ചെയ്തവര്‍ക്കു നേരെയുണ്ടായ പൊലിസ് അതിക്രമത്തില്‍ പ്രതിഷേധിച്ച് തിങ്കളാഴ്ച എറണാകുളം ജില്ലയില്‍ ഹര്‍ത്താല്‍ നടത്തും. സമരസഹായ സമിതിയാണ് ഹര്‍ത്താലിന് ആഹ്വാനം ചെയ്തത്.

എല്‍.ഡി.എഫ് സര്‍ക്കാരിന്റെ തലതിരിഞ്ഞ പൊലിസ് നടപടിയില്‍ പ്രതിഷേധിച്ചാണ് വിവിധ സംഘടനകളുടെ നേതൃത്വത്തിലുള്ള സമരസഹായ സമിതി ജില്ലാ ഹര്‍ത്താല്‍ നടത്തുന്നതെന്ന് വാര്‍ത്താ കുറിപ്പില്‍ പറയുന്നു.