കട്ടപ്പന: കാഞ്ചിയാര്‍ കക്കാട്ടുകടയില്‍ കാര്‍ നിയന്ത്രണംവിട്ടു തിട്ടയിലിടിച്ചു മറിഞ്ഞു. ഡ്രൈവര്‍ പരുക്കേല്‍ക്കാതെ രക്ഷപെട്ടു.
കട്ടപ്പന - കുട്ടിക്കാനം സംസ്ഥാനപാതയില്‍ കാഞ്ചിയാര്‍ കക്കാട്ടുകടയില്‍ ഇന്നലെ രാവിലെയാണ് സംഭവം.
മറ്റൊരു വാഹനത്തെ മറികടക്കുന്നതിനിടെ എതിരേവന്ന വാഹനത്തില്‍ ഇടിക്കാതിരിക്കാന്‍ വെട്ടിച്ചുമാറ്റുന്നതിനിടെ റോഡരുകിലെ തിട്ടയില്‍ ഇടിച്ചു മറിയുകയായിരുന്നു. ഒരാള്‍ മാത്രമേ വാഹനത്തില്‍ ഉണ്ടായിരുന്നുള്ളു.
തലകിഴായി മറിഞ്ഞു തകര്‍ന്ന കാറില്‍നിന്ന് ഡ്രൈവറെ നാട്ടുകാരാണ് പുറത്തെടുത്തത്.