എടപ്പാള്‍: ബന്ധു നിയമന വിവാദത്തില്‍പെട്ട മന്ത്രി കെ.ടി ജലീല്‍ രാജിവെക്കണമെന്നാവശ്യപ്പെട്ട് യു.ഡി.എഫ് പ്രവര്‍ത്തകര്‍ എടപ്പാളില്‍ നടത്തിയ പ്രകടനം നേരിയ സംഘര്‍ഷത്തില്‍ കലാശിച്ചു.
പ്രകടനത്തെ തുടര്‍ന്ന് റോഡ് ഉപരോധിച്ച പ്രവര്‍ത്തകര്‍ മന്ത്രിയുടെ കോലം കത്തിക്കുന്നതിനിടെ പൊലിസുമായുണ്ടായ വാക്കേറ്റമാണ് സംഘര്‍ഷത്തില്‍ കലാശിച്ചത്. നേതാക്കള്‍ ഇടപെട്ട് പ്രവര്‍ത്തകരെ ശാന്തമാക്കി.സംഘര്‍ഷത്തെ തുടര്‍ന്ന് എടപ്പാളില്‍ ഏറെ നേരം ഗതാഗതം തടസപ്പെട്ടു.
സംഘര്‍ഷ സാധ്യത കണക്കിലെടുത്ത് കൂടുതല്‍ പൊലിസ് സ്ഥലത്തെത്തിയിരുന്നു.