വടകര : ജീവന് ഭീഷണി നേരിട്ട് കൊണ്ട് കഴിയുകയാണ് വടകര ഡെപ്യൂട്ടി സുപ്രണ്ട് ഓഫ് പൊലിസ് ആസ്ഥാനത്ത് ജോലി ചെയ്യുന്നവര്‍. സമീപത്തെ അപകടാവസ്ഥയിലായി കിടക്കുന്ന വന്‍ മരത്തിന്റെ ഭീഷണി നേരിട്ട് കൊണ്ടാണ് ഇവരുടെ ജോലി.
ഓഫിസ് കെട്ടിടത്തിന് തൊട്ടടുത്തുള്ള സ്‌കൂള്‍ കോംപൗണ്ടിലെ തണല്‍ മരങ്ങള്‍ ഒരാഴ്ച മുമ്പ് മുറിച്ച് മാറ്റിയതോടെയാണ് ഡിവൈ.എസ്.പി ഓഫിസിനോട് ചേര്‍ന്നുള്ള മരം ചെറിയ തോതില്‍ കടപുഴകി ഏത് സമയത്തും നിലംപതിക്കാമെന്ന അവസ്ഥയിലായിരുക്കുന്നത്. ഇത് സംബന്ധിച്ച് ഡിവൈ.എസ്.പി ഓഫിസ് റൂറല്‍ എസ്.പിക്ക് റിപോര്‍ട്ട് നല്‍കിയിട്ടുണ്ട്.
സോഷ്യല്‍ ഫോറസ്ട്രി ഡിപ്പാര്‍ട്ട്‌മെന്റാണ് തുടര്‍നടപടി സ്വീകരിക്കേണ്ടത്. ഇവര്‍ക്കും പൊലിസ് അധികാരികള്‍ റിപ്പോര്‍ട്ട് സമര്‍പ്പിച്ചിട്ടുണ്ട്.
എത്രയും പെട്ടെന്ന് ഇക്കാര്യത്തില്‍ നടപടിയുണ്ടായില്ലെങ്കില്‍ മരം ഓഫിസിന് മുകളില്‍ പതിച്ചാല്‍ വന്‍ അപകടത്തിന് വഴിയൊരുക്കും.