കോഴിക്കോട്: സാമൂഹിക രാഷ്ട്രീയ സാഹിത്യ രംഗത്തെ നിറസാന്നിധ്യമായിരുന്ന കോണ്‍ഗ്രസ് നേതാവ് എ. സുജനപാലിന്റെ അനുസ്മരണ പരിപാടികളോടനുബന്ധിച്ച് ചിത്രരചനാ മത്സരം നടത്തി.
ഡി. സി.സി രാജീവ് ഗന്ധി ഓഡിറ്റോറിയത്തില്‍ അനുസ്മരണ സമിതി സംഘടിപ്പിച്ച പരിപാടി പി.വി ഗംഗാധരന്‍ ഉദ്ഘാടനം ചെയ്തു. പോള്‍ കല്ലാനോട് അധ്യക്ഷനായി. ഡി.സി സി പ്രസിഡന്റ് ടി. സിദ്ദീഖ്, കെ.സി അബു, കാവില്‍ പി. മാധവന്‍, കണ്ടിയില്‍ ഗംഗാധരന്‍, കെ. രവീന്ദ്രന്‍ പങ്കെടുത്തു. എല്‍.പി, യു.പി, ഹൈസ്‌കൂള്‍ വിഭാഗങ്ങള്‍ക്കായി നടത്തിയ മത്സരത്തില്‍ അറുപത്തഞ്ചോളം വിദ്യാര്‍ഥികള്‍ പങ്കെടുത്തു. വിജയികള്‍ക്കുള്ള സമ്മാന വിതരണം 23ന് നടക്കുന്ന സുജനപാല്‍ അനുസ്മരണ പരിപാടിയില്‍ നല്‍കും.