പാലത്തായി: ഗ്രാമീണ മേഖലകളില്‍ വായനശാലകള്‍ സ്ഥാപിച്ചുകൊണ്ട് തലമുറകള്‍ക്ക് വായനാ സൗഭാഗ്യം പകര്‍ന്ന പൂര്‍വസൂരികളായ ഗ്രന്ഥശാലാ പ്രവര്‍ത്തകരെ പാലത്തായി യു.പി സ്‌കൂള്‍വിദ്യാരംഗം കലാ സാഹിത്യ വേദി പ്രവര്‍ത്തകര്‍ ആദരിച്ചു.
 വായനാ വാരാഘോഷത്തിന്റെ ഭാഗമായാണ് ഇളം മുറക്കാരായ കുട്ടികള്‍ മുന്‍കാല ഗ്രന്ഥശാല പ്രവര്‍ത്തകരെ അവരുടെ വീടുകളിലെത്തി പൊന്നാടയണിയിച്ചത്. എഴുപത് വര്‍ഷം മുമ്പ് പാലത്തായില്‍ ജ്ഞാനോദയ ഗ്രന്ഥാലയം സ്ഥാപിക്കുന്നതില്‍ മുന്‍ നിരയില്‍ നിന്ന് പ്രവര്‍ത്തിച്ച  കെ.കാട്ടുപനം, കടവത്തൂരില്‍ സ്വന്തം പരിശ്രമം കൊണ്ട് വായനശാലയും ഗ്രന്ഥാലയവും സ്ഥാപിച്ച പരിസ്ഥിതി പ്രവര്‍ത്തകന്‍ വി.എന്‍.കെ.ഹാജി ഗ്രന്ഥശാല പ്രവര്‍ത്തകനും നാടക നടനുമായ കെ.പി കുമാരന്‍ എന്നിവരെയാണ് കുട്ടികള്‍ ആദരിച്ചത്.
വിദ്യാര്‍ഥികളായ അസിക അശോക്, നിയ ശശി, ആര്യ എസ്, റന ഫാത്തിമ അച്ചുത് .എസ് ,ചിന്മയ സജീവ്, അഞ്ജസ്, അനുവിന്ദ്, മയൂഖ ,നന്ദന, അഞ്ജന. ആര്‍ദ്ര എന്നിവര്‍ നേതൃത്വം നല്‍കി.ബാലസാഹിത്യകാരന്‍ രാജു കാട്ടുപനം, കെ.പി.സാജു.കെ.കെ.ദിനേശന്‍, പി.ബിജോയ്, സി.പി പ്രജിഷ, നീതു ജോയ്, എം.ഷ മീന എന്നിവര്‍ ഒപ്പമുണ്ടായി. ഇന്ന് 2 മണിക്ക് വായനാ വാരാഘോഷം  ഗായകന്‍ വി.ടി മുരളി ഉദ്ഘാടനം ചെയ്യും. കെ.പി സാജു അധ്യക്ഷനാകും.കെ.ശ്രീനിവാസന്‍ ,ഗീത പ്രദീപ് സംസാരിച്ചു.