മാവൂര്‍: കുന്ദമംഗലം നിയോജകമണ്ഡലം മുസ്‌ലിം യൂത്ത് ലീഗ് സമ്മേളനം ഇന്ന്  വൈകീട്ട് മൂന്നു മണിക്ക് പുവ്വാട്ടുപറമ്പില്‍ നടക്കും.
മൂന്നു മണിക്ക്  രജിസ്‌ട്രേഷന്‍ ആരംഭിക്കും. നാല്  മണിക്ക് പുവ്വാട്ടുപറമ്പില്‍ നടക്കുന്ന  പ്രകടനത്തിന് ശേഷം സമ്മേളന നഗരിയില്‍ പതാക ഉയര്‍ത്തും. തുടര്‍ന്ന് നടക്കുന്ന  പ്രതിനിധി സമ്മേളനത്തിലെ വിവിധ സെഷനുകളിലായി  ഡോ.എം.കെ.മുനീര്‍, പി.എം സാദിഖലി, കെ.എ ഖാദര്‍ മാസ്റ്റര്‍, പി.കെ ഫിറോസ്, നജീബ് കാന്തപുരം തുടങ്ങിയവര്‍ സംബന്ധിക്കും.  
വിവിധ സെഷനുകളില്‍  വ്യത്യസ്ത വിഷയങ്ങളില്‍ നേതാക്കള്‍ സമ്മേളനപ്രതിനിധികളുമായി സംവദിക്കും. നിയോജക മണ്ഡലത്തിലെ വിവിധ പഞ്ചായത്തുകളിലെ കൗണ്‍സിലര്‍മാരാണ് സമ്മേളന പ്രതിനിധികള്‍.