പേരാമ്പ്ര: കേരള പൊലിസ് അസോസിയേഷന്‍ കോഴിക്കോട് റൂറല്‍ ജില്ലാ 34-ാം സമ്മേളനം പേരാമ്പ്രയില്‍ തുടങ്ങി. പൊലിസ് ഓഫിസേഴ്‌സ് അസോസിയേഷന്‍ സംസ്ഥാന വൈസ് പ്രസിഡന്റ് കെ.പി ഭാസ്‌ക്കരന്‍ ഉദ്ഘാടനം ചെയ്തു.
പൊലിസ് അസോസിയേഷന്‍ സംസ്ഥാന വൈസ് പ്രസിഡന്റ് സണ്ണി ജോസഫ് സംഘടനാ റിപ്പോര്‍ട്ടും ജില്ലാ സെക്രട്ടറി എ. വിജയന്‍ പ്രവര്‍ത്തന റിപ്പോര്‍ട്ടും അവതരിപ്പിച്ചു. പി. മുഹമ്മദ് വരവ് ചെലവ് കണക്ക് അവതരിപ്പിച്ചു. എ. പി രതീഷ് അധ്യക്ഷനായി. സി.കെ സുജിത്ത്, പി.കെ രതീഷ് സംസാരിച്ചു. ജി.പി അഭിജിത്ത് സ്വാഗതവും പി. രാജീവന്‍ നന്ദിയും പറഞ്ഞു.
ചൊവ്വാഴ്ച സി.യു.ജി രക്ത ഗ്രൂപ്പ് ഡയരക്ടറി പ്രകാശനം നാദാപുരം ഡിവൈ.എസ്.പി കെ. ഇസ്മായില്‍ നിര്‍വഹിക്കും.
2 ന് നാദാപുരം സ്റ്റേഷനിലെ സി.പി.ഒ രതീശന്‍ മടപ്പള്ളിയുടെ ചിത്രപ്രദര്‍ശനം റീജ്യനല്‍ ബാങ്ക് ഓഡിറ്റോറിയത്തില്‍ നടക്കും. അഭിലാഷ് തിരുവോത്ത് ഉദ്ഘാടനം ചെയ്യും. വൈകിട്ട് 3ന് 'അറുപതു തികയുന്ന കേരള പൊലിസ് പ്രതിസന്ധികളും പ്രതീക്ഷകളും ' സെമിനാര്‍ ഡോ. സെബാസ്റ്റ്യന്‍ പോള്‍ ഉദ്ഘാടനം ചെയ്യും.