താനൂര്‍: നിയോജക മണ്ഡലം മുസ്‌ലിം യൂത്ത്‌ലീഗ് കമ്മിറ്റിയുടെ നേതൃത്വത്തില്‍ മൂച്ചിക്കല്‍ ക്രൗണ്‍ ഓഡിറ്റോറിയത്തില്‍ ഇഫ്താര്‍ സ്‌നേഹവിരുന്ന് സംഘടിപ്പിച്ചു. സമൂഹത്തിലെ വിവിധ തുറകളിലുള്ളവര്‍ സ്‌നേഹവിരുന്നില്‍ പങ്കെടുത്തു. മുന്‍ എം.എല്‍.എ അബ്ദുറഹ്മാന്‍ രണ്ടത്താണി ഉദ്ഘാടനം ചെയ്തു. മുസ്‌ലിം ലീഗ് സംസ്ഥാന വൈസ് പ്രസിഡന്റ് കെ കുട്ടി അഹമ്മദ് കുട്ടി സമാപന പ്രഭാഷണം നിര്‍വഹിച്ചു. 

യൂത്ത്‌ലീഗ് മണ്ഡലം പ്രസിഡന്റ് റഷീദ് മോര്യ അധ്യക്ഷനായി. കാലിക്കറ്റ് യൂനിവേഴ്‌സിറ്റി സിന്‍ഡിക്കേറ്റ് അംഗം പി.എ റഷീദ് ആമുഖ പ്രഭാഷണം നടത്തി. മുസ്‌ലിം യൂത്ത്‌ലീഗ് ദേശീയ എക്‌സിക്യൂട്ടീവ് അംഗമായി തെരഞ്ഞെടുക്കപ്പെട്ട അഡ്വ. മര്‍സൂഖ് ബാഫഖി തങ്ങള്‍ക്ക് നിയോജക മണ്ഡലം യൂത്ത്‌ലീഗ് കമ്മിറ്റിയുടെ ഉപഹാരം കുട്ടി അഹമ്മദ് കുട്ടി നല്‍കി. എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ഫക്രുദ്ദീന്‍ ഹസനി തങ്ങള്‍, കെ.എന്‍ മുത്തുക്കോയ തങ്ങള്‍, പി.ടി.കെ കുട്ടി, ഒ രാജന്‍, സിദ്ദീഖലി രാങ്ങാട്ടൂര്‍, ഹനീഫ മാസ്റ്റര്‍ അയ്യായ, ഫൈസല്‍ അന്‍സാരി, അബ്ദുല്‍ ഹക്കീം മച്ചിങ്ങല്‍, ഡോ. പി.പി മുഹമ്മദ്, മേജര്‍ കെ അമീറലി, ഷാജി പച്ചേരി, ഉബൈദുല്ല താനാളൂര്‍, ജില്ലാപഞ്ചായത്തംഗം ഹനീഫ പുതുപ്പറമ്പ് സംസാരിച്ചു.