കൊച്ചി: രാജ്യത്തെ മികച്ച പാസ്‌പോര്‍ട്ട് ഓഫിസായി കൊച്ചി റീജിയണല്‍ പാസ്‌പോര്‍ട്ട് ഓഫിസ് തെരഞ്ഞെടുത്തു. തുടര്‍ച്ചയായി നാലാം തവണയാണ് കൊച്ചി പുരസ്‌കാരം നേടുന്നത്.
എ കാറ്റഗറിയില്‍ കൊച്ചി പത്തില്‍ 9.85 പോയിന്റ് നേടി. 9.75 നേടിയ ജലന്ധര്‍ ആണ് രണ്ടാം സ്ഥാനത്ത്. 9.30 പോയിന്റ് നേടിയ അഹമ്മദാബാദ് മൂന്നാംസ്ഥാനം നേടി. കേന്ദ്രവിദേശകാര്യമന്ത്രാലയമാണ് പുരസ്‌കാരം പ്രഖ്യാപിച്ചത്. ബി കാറ്റഗറിയിലും കേരളത്തിലെ പാസ്‌പോര്‍ട്ട് ഓഫിസുകള്‍ മികവ് തെളിയിച്ചു.
തിരുവനന്തപുരം ഒന്നും മലപ്പുറം രണ്ടും സ്ഥാനങ്ങള്‍ നേടി. കോഴിക്കോടിനും മധുരയ്ക്കുമാണ് മൂന്നാം സ്ഥാനം.