റിയാദ്: സഊദി പൗരന്മാരില്‍ ഇപ്പോഴും ടെന്റുകളില്‍ താമസിക്കുന്നവരുണ്ടെന്നു സഊദി പാര്‍പ്പിട മന്ത്രി. ഏകദേശം അയ്യായിരത്തോളം സ്വദേശികളാണ് ഇപ്പോഴും കൂടാരങ്ങളില്‍ (ടെന്റ്)കഴിയുന്നതെന്നും ഇതില്‍ തന്നെ നാലായിരത്തോളം സ്വദേശികള്‍ തകര ഷീറ്റുകൊണ്ടുളള വീടുകളിലാണെന്നും റിയാദില്‍ സംഘടിപ്പിച്ച സെമിനാറില്‍ പാര്‍പ്പിട മന്ത്രി അബ്ദുള്ള അല്‍ നമരി പറഞ്ഞു .

തൊഴില്‍-സാമൂഹികവികസന മന്ത്രാലയത്തില്‍നിന്നു ആനുകൂല്യങ്ങള്‍ പറ്റുന്നവരില്‍ 338000 പേര്‍ക്ക് സ്വന്തമായി വീടുകളില്ല. 3,23,000 പേര്‍ താമസിക്കുന്നത് പ്രാന്തപ്രദേശങ്ങളിലെ പുരാതന കെട്ടിടങ്ങളിലാണ്. സഊദി പൗരന്മാരില്‍ പാവപ്പെട്ടവര്‍ വരുമാനത്തിന്റെ 30 ശതമാനവും താമസവുമായി ബന്ധപ്പെട്ടാണ് ചെലവഴിക്കുന്നത്. രാജ്യത്തെ പാര്‍പ്പിട മന്ത്രാലയത്തിന്റെ പദ്ധതികളില്‍ ഏഴു ശതമാനവും ദരിദ്രരെ ഉദ്ദേശിച്ചാണെന്നും അദ്ദേഹം പറഞ്ഞു.