മസ്‌കത്ത് : ഇന്ത്യൻ ഉപഭൂഖണ്ഡം, മിഡിൽ ഈസ്റ്റ്, ആഫ്രിക്ക റൂട്ടുകളിലേക്ക് കുറഞ്ഞ നിരക്കിൽ ഇക്കോണമി സർവിസുകൾ ആരംഭിച്ച് ഒമാൻ എയർ. ഒമാൻ എയറിലെ അഞ്ച് ബോയിങ് 737 മാക്‌സ് 8 വിമാനങ്ങളിൽ ആദ്യത്തേത് കഴിഞ്ഞ മാസം എത്തിയിരുന്നു. ഇതിലൂടെ യാത്രക്കാർക്ക് ആധുനികവും ആകർഷകവുമായ അനുഭവങ്ങളുറപ്പാക്കാനും മെച്ചപ്പെട്ട സേവനം ലഭ്യമാക്കാനും സാധിക്കും.

മെച്ചപ്പെട്ട നിലവാരത്തിൽ കൂടുതൽ സൗകര്യങ്ങൾ യാത്രക്കാരിലേക്കെത്തിക്കാൻ ഈ സർവിസിലൂടെ സാധിക്കുമെന്ന് ഒമാൻ എയർ ചീഫ് എക്സിക്യൂട്ടീവ് ഓഫീസർ കോൻ കോർഫിയാതിസ് വ്യക്തമാക്കി.

2023-ൽ മൂന്ന് വർഷ സാമ്പത്തിക മാറ്റത്തിന് ഒമാൻ എയർ തുടക്കമിട്ടതിന്റെ ഭാഗമായി വിപണിയിലെ സ്ഥാനം നിലനിർത്തുന്നതിനും സുസ്ഥിരത ഉറപ്പാക്കുന്നതിനും നിരവധി പദ്ധതികളാണ് നടപ്പാക്കിയത്. വിവിധ നിരക്കുകളോടെ നാരോ ബോഡി-വൈഡ് ബോഡി സംയോജിപ്പിച്ച നാൽപ്പത് സ്ഥലങ്ങളിലേക്ക് സർവിസ് നടത്തുന്ന എയർലൈനിൽ മൂന്ന് ക്യാബിനുകളാണുള്ളത്.

Oman Air has introduced new economy services to routes in the Indian subcontinent, Middle East, and Africa, offering passengers more affordable travel options without compromising on comfort and quality.