കൊല്ലം: മാനസികാസ്വസ്ഥ്യമുള്ള വൃദ്ധനെ ഒരു സംഘം വളഞ്ഞിട്ട് ആക്രമിച്ചു. കൊല്ലം കുണ്ടറയില്‍ രാവിലെ ഒമ്പതോടെയാണ് സംഭവം. വേലിക്കല്ല് തകര്‍ക്കാന്‍ ശ്രമിച്ചു എന്ന് ആരോപിച്ചാണ് സംഘം മര്‍ദനം നടത്തിയത്.

വൃദ്ധനെ മര്‍ദിച്ചവര്‍ക്കെതിരെ നടപടയെടുക്കേണ്ടതിന് പകരം ആക്രമികളെ സഹായികുന്ന നിലപാടാണ് പൊലിസിന്റെ ഭാഗത്തുനിന്നുണ്ടായതെന്ന് ബന്ധുക്കള്‍ ആരോപിച്ചു.

വീണ് പരുക്കേറ്റെന്നു പറഞ്ഞ് കുണ്ടറ ആശുപത്രിയില്‍ വൃദ്ധനെ പ്രവേശിപ്പിച്ച് പൊലിസ് കടന്നുകളഞ്ഞതായും ബന്ധുക്കള്‍ പറഞ്ഞു. ബന്ധുക്കള്‍ കുണ്ടറ ആശുപത്രിയിലെത്തിയാണ് ഇയാളെ കൊല്ലം ജില്ലാ ആശുപത്രിയിലേക്ക് മാറ്റിയത്. സംഭവം വിവാദമായതോടെ പ്രതികളെ ഉടന്‍ അറസ്റ്റു ചെയ്യുമെന്ന് കൊല്ലം റൂറല്‍ എസ്.പി പറഞ്ഞു.