പള്ളാതുരുത്തി ബോട്ട് ക്ലബാണ് ഇത്തവണ പുന്നമട കായലില്‍ പായിപ്പാടിനുവേണ്ടി തുഴയെറിഞ്ഞത്
ഹരിപ്പാട്: മഹാപ്രളയശേഷം നടന്ന നെഹ്‌റുട്രോഫി മത്സരത്തില്‍ പായിപ്പാടന് കിരീടം. പള്ളാതുരുത്തി ബോട്ട് ക്ലബാണ് ഇത്തവണ പുന്നമട കായലില്‍ പായിപ്പാടിനുവേണ്ടി തുഴയെറിഞ്ഞത്. നാലാം തവണയാണ് പായിപ്പാടന്‍ നെഹ്‌റുട്രോഫി കരസ്ഥമാക്കുന്നത്. ഫലമറിഞ്ഞതോടെ കരക്കാര്‍ ആഹ്ലാദപ്രകടനം നടത്തി. ഹരിപ്പാട് വീയപുരം റോഡിലാണ് ആഹ്ലാദപ്രകടനം അരങ്ങേറിയത്. പടക്കം പൊട്ടിച്ചും ആനന്ദ നൃത്തംചെയ്തും വഴിയാത്രക്കാര്‍ക്ക് മധുരം വിളമ്പിയുമാണ് ആഹ്ലാദപ്രകടനം നടത്തിയത്. പള്ളാതുരുത്തിയിലും ആഹ്ലാദപ്രകടനം നടന്നു.