ഗാസിയാബാദ്: ഉത്തര്‍പ്രദേശിലെ ഗാസിയാ ബാദില്‍ കാര്‍ സ്ത്രീധനം കിട്ടാത്തതിന് വരന്‍ വധുവിനെ കൊന്നു. ട്രോണിക്ക സിറ്റിയിലെ മീര്‍പുര്‍ ഹിന്ദു വില്ലേജിലാണ് സംഭവം. നവവധുവിനെ ഭര്‍ത്താവ് വെടിവച്ചുകൊല്ലുകയായിരുന്നു.

അലിഷ എന്ന യുവതിയാണ് വ്യാഴാഴ്ച രാത്രി കൊല്ലപ്പെട്ടത്. കേസില്‍ ഭര്‍ത്താവ് ഷാരൂഖ്,സഹോദരന്‍ ആസിഫ്, പിതാവ് ഖയ്യൂം എന്നിവരെ പൊലിസ് അറസ്റ്റു ചെയ്തു.ഷാരൂഖിന്റെ മാതാവും സഹോദരിയും ഒളിവിലാണ്. ഏതാനും മാസങ്ങള്‍ക്കു മുമ്പാണ് ഷാരൂഖ് അലിഷയെ വിവാഹം ചെയ്തത്. വിവാഹദിനം മുതല്‍ കാര്‍ സ്ത്രീധനമായി കൊണ്ടുവരണമെന്ന് ഷാരൂഖും കുടുംബവും ആവശ്യപ്പെട്ടിരുന്നതായി അലിഷയുടെ സഹോദരന്‍ ശഫീഖ് പൊലിസിനോട് പറഞ്ഞു.

സ്ത്രീധനത്തിന്റെ പേരില്‍ സഹോദരിയെ ഭര്‍തൃവീട്ടുകാര്‍ നിരന്തരം പീഡിപ്പിച്ചിരുന്നുവെന്നും സഹോദരന്‍ പറഞ്ഞു.
വ്യാഴാഴ്ച രാത്രി ഷാരൂഖ് ഭാര്യടെ നെറ്റിയിലേക്ക് നിറയൊഴിക്കുകയായിരുന്നു.