സുല്‍ത്താന്‍ ബത്തേരി: നൂല്‍പ്പുഴ പഞ്ചായത്ത് ഏഴാം വാര്‍ഡായ കല്ലുമുക്കിലെ ഉപതെരഞ്ഞെടുപ്പ് ജൂലൈ 18ന് നടക്കും.സര്‍ക്കാര്‍ ജോലി ലഭിച്ചതിനെ തുടര്‍ന്ന് എല്‍.ഡി.എഫ് മെംബര്‍ ചാന്ദ്‌നി രാജിവെച്ച ഒഴിവിലേക്കാണ് തെരഞ്ഞെടുപ്പ് നടക്കുന്നത്.
18ന് രാവിലെ ഏഴു മുതല്‍ വൈകിട്ട് അഞ്ചുവരെയാണ് തെരഞ്ഞെടുപ്പ്. വോട്ടണ്ണല്‍ ജൂലൈ 19 രാവിലെ 10 മുതല്‍ ആരംഭിക്കും. ജൂണ്‍ 30 ആണ് നാമനിര്‍ദേശ പത്രിക സമര്‍പ്പിക്കുന്നതിനുള്ള അവസാന തിയതി. ജൂലൈ ഒന്നിന് നാമനിര്‍ദേശ പത്രികകളുടെ സൂക്ഷ്മപരിശോധന നടക്കും. ജൂലൈ മൂന്നിനുള്ളില്‍ നാമനിര്‍ദേശ പത്രിക പിന്‍വലിക്കാവുന്നതാണ്.
കഴിഞ്ഞ തെരഞ്ഞെടുപ്പില്‍ 146 വോട്ടിന്റെ ഭൂരിപക്ഷത്തിനാണ് എല്‍.ഡി.എഫ് സ്ഥാനാര്‍ഥി ചാന്ദ്‌നി വിജയിച്ചത്.
എല്‍.ഡി.എഫ് 12, യു.ഡി.എഫ് 3, ബി.ജെ.പി 1 എന്നിങ്ങനെയാണ് നിലവിലെ കക്ഷിനില.