വേങ്ങര: ദേശീയ പാതയോരം, മലപ്പുറം-പരപ്പനങ്ങാടി സംസ്ഥാന പാതയോരത്തെ വയലുകള്‍ അനധികൃതമായി മണ്ണിട്ട്് നികത്തി തരം മാറ്റുന്നതിനെതിരേ പഞ്ചായത്ത്് മുസ്്‌ലിം ലീഗ് കൊടിനാട്ടി പ്രതിഷേധിച്ചു.
കഴിഞ്ഞ ദിവസം രാത്രിയുടെ മറവില്‍ കൂരിയാട് വൈദ്യുതി സബ് സ്റ്റേഷനോടു ചേര്‍ന്ന് മൂന്ന് ഏക്കര്‍ വയല്‍ മണ്ണിട്ടുനികത്താന്‍ മാഫിയ ശ്രമിച്ചിരുന്നു. സംഭവമറിഞ്ഞ അധികൃതരും നാട്ടുകാരും പ്രവൃത്തി തടയുകയായിരുന്നു. വയല്‍ പൂര്‍വസ്ഥിതിയിലാക്കി കൃഷിയോഗ്യമാക്കാത്ത പക്ഷം ശക്തമായ പ്രക്ഷോഭവുമായി മുന്നോട്ടുപോവുമെന്നും പ്രതിഷേധ യോഗം അറിയിച്ചു. പി.കെ മുഹമ്മദലി അധ്യക്ഷനായി.
ടി.വി ഇഖ്ബാല്‍, പൂവഞ്ചേരി അലവിക്കുട്ടി, വി.കെ അബ്ദുല്‍ മജീദ്, കോയിശന്‍ അഷ്‌റഫ്, എ.കെ സലീം, പുളളാട്ട് ബാവ, എം.എന്‍.കെ ഫിറോസ് ബാബു, എന്‍.ടി മുഹമ്മദ് ഷരീഫ്, കെ അലവിക്കുട്ടി സംസാരിച്ചു.