കറാച്ചി: ഐ.സി.സി ചാംപ്യന്‍സ് ലീഗ് ജേതാക്കളായ പാകിസ്താന്‍ ടീമിന് നാട്ടില്‍ സ്വീകരണം. കറാച്ചി വിമാനത്താവളത്തിന് പുറത്ത് നിരവധി പേരാണ് ടീമിനെ കാത്ത് നിന്നത്. സര്‍ഫ്രാസ് ദീര്‍ഘകാലം ജീവിക്കട്ടെ എന്ന് ഇവര്‍ ആര്‍ത്തുവിളിക്കുന്നുണ്ടായിരുന്നു.
പാക് പൊലിസും ഇവര്‍ക്കായി പ്രത്യേക സ്വീകരണമൊരുക്കി. ദേശഭക്തി ഗാനങ്ങളൊരുക്കിയാണ് പൊലിസ് ഇവരെ സ്വീകരിച്ചത്. കിരീടം നേടിയതില്‍ വലിയ സന്തോഷമുണ്ടെന്നും ദൈവത്തിനും രാജ്യത്തിനും ഇതില്‍ നന്ദി പറയുന്നെന്നും പാക് ക്യാപ്റ്റന്‍ സര്‍ഫ്രാസ് അഹമ്മദ് പറഞ്ഞു.