ആലപ്പുഴ: ജാതി പറഞ്ഞ് വോട്ടുപിടിക്കുന്നതിനെതിരേ മുഖ്യതെരഞ്ഞെടുപ്പ് ഓഫിസര്‍ക്ക് പരാതി നല്‍കുമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍.
ഒരു മുന്നണിക്ക് വേണ്ടി നിലപാട് സ്വീകരിച്ച എന്‍.എസ്.എസിനെതിരേ പരാതി കിട്ടിയാല്‍ നടപടിയെടുക്കുമെന്ന് മുഖ്യതെരഞ്ഞെടുപ്പ് ഓഫിസര്‍ പറഞ്ഞതിനെ കുറിച്ചുള്ള മാധ്യമ പ്രവര്‍ത്തകരുടെ ചോദ്യത്തോട് പ്രതികരിക്കുകയായിരുന്നു അദ്ദേഹം. മുഖ്യതെരഞ്ഞെടുപ്പ് ഓഫിസര്‍ പറഞ്ഞത് ചട്ടമാണ്. തെരഞ്ഞെടുപ്പ് ചട്ടമനുസരിച്ച് മതത്തിന്റെയും സമുദായത്തിന്റെയും അടിസ്ഥാനത്തില്‍ വോട്ടുപിടിക്കാന്‍ പാടില്ല. വട്ടിയൂര്‍ക്കാവില്‍ പരസ്യമായി ജാതി പറഞ്ഞുള്ള വോട്ടു പിടുത്തമാണ് നടക്കുന്നത്. ഇതിനെതിരേ പരാതി നല്‍കും - കോടിയേരി പറഞ്ഞു