കോഴിക്കോട്: രാഷ്ട്രപതി തെരഞ്ഞെടുപ്പില്‍ എന്‍.ഡി.എ സ്ഥാനാര്‍ഥി രാംനാഥ് കോവിന്ദിന് വോട്ട് ചെയ്യില്ലെന്ന് ജെ.ഡി.യു സംസ്ഥാന പ്രസിഡന്റ്  എം.പി. വീരേന്ദ്രകുമാര്‍ എം.പി . എന്‍.ഡി.എ സ്ഥാനാര്‍ഥിക്ക് പാര്‍ട്ടി ദേശീയ അധ്യക്ഷന്‍ നിതീഷ്‌കുമാര്‍ പിന്തുണ പ്രഖ്യാപിച്ചിച്ചതിന് പിന്നാലെയാണ് കേരള ഘടകം ഈ തീരുമാനത്തിനൊപ്പമില്ലെന്ന് വീരേന്ദ്രകുമാര്‍വ്യക്തമാക്കിയത്.      
ബി.ജെ.പി സ്ഥാനാര്‍ഥിക്ക് വോട്ട് ചെയ്യില്ലെന്ന് ജെ.ഡി.യു കേരള ഘടകം ജനറല്‍ സെക്രട്ടറി വര്‍ഗീസ് ജോര്‍ജ് നേരത്തെ പ്രഖ്യാപിച്ചിരുന്നു.
 കോവിന്ദിന് വോട്ടു ചെയ്യില്ലെന്ന്   നിതീഷ് കുമാറിനെ അറിയിച്ചിട്ടുണ്ടെന്നും ഇഷ്ടമുള്ള സ്ഥാനാര്‍ഥിക്ക് വോട്ടു ചെയ്യാനാണ് നിതീഷ് കുമാര്‍ നിര്‍ദേശിച്ചതെന്നും വീരേന്ദ്രകുമാര്‍ വാര്‍ത്താസമ്മേളനത്തില്‍ അറിയിച്ചു. ആര്‍ക്കു വോട്ട് ചെയ്യണമെന്ന് പിന്നീട് തീരുമാനിക്കുമെന്നും അദ്ദേഹം പറഞ്ഞു.